نێڵی فیلامێنتی سادە و لایکرای ئینتەرمێشینگ

لە بیرۆکەوە بۆ بەرهەمهێنان: ڕێگای درەوشاوەی کارگەی بەرهەمهێنانی قوماشی خۆی

کارگەکانی بەرهەمهێنانی قوماشی خۆی (کۆمپانیای پشکی گشتی) لە ساڵی ١٩٨٤ بە وەبەرهێنانی بانکی سەنعەت و مەعدەن (صنعت و معدن)، لە دڵی یەکێک لە ناوەندە پیشەسازییە گرنگەکانی باکووری ڕۆژئاوای ئێران دامەزراوە. ئامانج لە دامەزراندنی ئەم کۆمەڵگە کامڵە، بەرهەمهێنانی قوماش بە توانای بەرهەمهێنانی ساڵانە  ٤٣٠٠ تۆن داو و پتر لە ١٠ ملیۆن مەتر قوماشی تەواو (جل و جینز، کراس و هتد) و ڕەخساندنی هەلی کار بۆ نزیکەی هەزار کرێکاری لێهاتوو بوو.

هەڵکەوتەی جوگرافیای ئەم کارگەیە یەکێکە لە سوودە ستراتیژییەکانی. کارگەی قوماشی خۆی نزیکەی ١٥٠ کیلۆمەتر لە ناوەندی پارێزگاکانی ڕۆژئاوا و ڕۆژهەڵاتی ئازەربایجانەوە دوورە و لە کەمتر لە دوو کاتژمێردا بە ئۆتۆمبێل دەتوانیت بگەیت بەو شارە. جگە لەوەش گەیشتن لە ڕێگەی وشکانی یان بە فڕۆکە لە تارانەوە لە ڕێگەی تەورێز و ورمێیەوە کەمتر لە چوار کاتژمێر دەخایەنێت.

بارودۆخی هەناردەکردنی نایاب

نزیکبوونی کارگەکە لە سنوورە نێودەوڵەتییەکان، ڕێڕەوی هەناردەکردنی بە شێوەیەکی بەرچاو ئاسان کردووەتەوە:

• 120 کم بۆ سنووری بازرگان
• ٦٠ کیلۆمەتر بۆ سنووری جۆڵفا
• ٦٥ کم جادەی خۆڵ و ٩٠ کم هێڵی شەمەندەفەر تا سنووری ڕازی (پەیوەندی ڕاستەوخۆ بە وان، تورکیا)

ئەم هەڵکەوتە جوگرافییە نایابە وای کردووە کە کارگەی بەرهەمهێنانی قوماشی خۆی ببێت بە یەکێک لە ئەکتەرە گرنگەکانی هەناردەکردنی قوماش وداوی ئێران بۆ وڵاتانی دراوسێ.

ڕێڕەوی بنیاتنانی کارگەی قوماشی خۆی

لە ساڵانی نەوەدەکاندا، بە ڕاکێشانی ٣٤ ملیۆن فاینانسی دارایی دراوی بیانی، کۆمەڵێک لە پێشکەوتووترین ئامێرەکانی ڕستن و چنین  لە براندە بەناوبانگەکانی سویسری و ئەڵمانی کڕدرا و هاوردەی وڵاتی ئێران کرا. پرۆسەی گواستنەوە و وەرگرتن و دانانی ئەم ئامێرانە لە ساڵی ١٩٩٢ە دەستی پێ کردووە و لە ساڵی ١٩٩٤ تەواو بووە؛ دواتر بەرهەمهێنانی تاقیکاری دەستی پێ کرا و پاشان بەرهەمهێنانی بەکۆمەڵ. بەشی خوری ڕستن لە تشرینی دووەمی ساڵی ١٩٩٤ بە فەرمی دەستی بە چالاکییەکانی کرد و لە مانگی ئەیلولی ساڵی ١٩٩٥ بە شێوەیەکی فەرمی بە ئامادەبوونی ئایەتوڵڵا هاشمی ڕەفسەنجانی سەرۆکی ئەوکاتە خرایە کار. هەروەها  له درێژه ی پڕۆسه ی گەشەپێدان، به کڕینی 180 ئامێری چنین له کارگه ی غه دیر، بەشێ چنینیش لە ساڵی ١٩٩٧ کرایەوە و به خولی بەرهەمهێنان زیاد کرا.

پڕۆژەی بەرهەمهێنانی قوماشی جینز بە چ ئاراستەیەکدا بەرەوپێش دەچێت؟

توێژینەوە و جێبەجێکردنی پڕۆژەی بەرهەمهێنانی قوماشی جینز لە ساڵی ١٩٩٨ دەستی پێکرد و لە مانگی حوزەیرانی ٢٠٠٢ کەوتە بواری جێبەجێکردنەوە، لەم پڕۆژەیەدا پێشکەوتووترین ئامێری ئەوروپی لە براندە پێشەنگەکانی وەک:

• ئامێری ئیندیگۆ لە کۆمپانیای SUCKER MULLER ئەڵمانیا
• ئامێری تەواوکردنی قوماش لە کۆمپانیای MONFORTS ئەڵمانیا
• ئامێری چلەپێچی ڕاستەوخۆ و ئامێری کۆنترۆڵکردنی کوالیتی تایبەت بە جینز

دانرا و خرایە کار. ئەم پڕۆژەیە بە خاڵێکی وەرچەرخان دادەنرێت لە پەرەپێدانی بەرهەمەکانی کارگەکە و هەبوونی جددیتری لە بازاڕەکانی هەناردەکردندا.

یەکە سەرەکییەکانی بەرهەمهێنان چی لەخۆدەگرێت؟

• بنەماکانی چنین:
  بریتین لە ئامێرەکانی هەلاجی، کاردینگ، فلتەر پلەنت و ئۆپن ئاند کە هەموویان لە سویسرا و ئەڵمانیا دروستکراون.
• هێڵی ئەڵقە:
  سێ ئامێری ئەڵقەیی چالاک کە توانای بەرهەمهێنانی داوی سلاب و Coreیان هەیە و لە داهاتوویەکی نزیکدا گەشەپێدانی تەواوی هێڵ لە بەرنامەی کاردایە. 
• یەکەی دوو لۆ ڕستن:
  تەیار کراوە بە ١٢ ئامێری VOLKMAN و SAURER بە توانای بەرهەمهێنانی ڕۆژانەی ٥ تۆن داوی دوو لۆ.
• بۆیاخکردنی بۆبین:
  ئەگەری بۆیاخکردنی  ڕۆژانە 3 تۆن  داوی لە 100% لۆکە و تێکەڵە.
• چنین:
  سود وەرگرتن لە ئامێرە مۆدێرنەکانی P7100 و P7150 و ITEMA و PICANOL، لەگەڵ بەرنامەیەک بۆ گۆڕینی ئامێرە کۆنەکان و باشترکردنی کوالیتی بەرهەمهێنان.

زنجیرەی بەرهەمهێنان تا بۆیاخکردنی قوماش لە یەکەی ئیندیگۆ

لە بەشی ئامادەکردنی چنین، کۆمەڵێک ئامێری چلەپێچی بەخشی و سیستەمی قەبارەدانانی دروستکراوی ئەڵمانیا کاردەکەن، کە ڕۆڵێکی گرنگ دەگێڕن لە ئامادەکردنی داوەکان بۆ پرۆسەی چنین. هەروەها دانانی ئامێرێکی پێشکەوتووی قەبارەدانان، کە لە ساڵی ٢٠٠٨ لە ئەڵمانیا دروستکراوە، لە ئارادایە و لەگەڵ خستنە ڕێی ئەو ئامێرە توانا و وردبینیی ئەم بەشە بە شێوەیەکی بەرچاو زیاد دەکات. لە تەنیشت ئەم ئامێرانەوە، یەکەی ئیندیگۆش بە کەڵکوەرگرتن لە تەکنەلۆژیای مۆدێرن بۆ بۆیاخکردن، توانای بەرهەمهێنانی قوماشی جینز بە ڕەنگی جۆراوجۆر، بەتایبەتی ڕەنگی شین و ڕەشی فەراهەم کردووە؛ ئەو قوماشانەی کە توانای کێبڕکێیان لەگەڵ نمونە نێودەوڵەتییەکان هەیە لە ڕووی کوالیتی و مانەوەی ڕەنگ و پێکهاتە، و پێگەی بەرهەمی ناوخۆیی لە پیشەسازی قوماشدا باشتر کردووە.

پێگەی پیشەسازی و ڕۆڵی ئابووری کارگەی بەرهەمهێنانی قوماشی خۆی

کارگەی بەرهەمهێنانی قوماشی خۆی نەک تەنیا هەر وەک یەکێک لە گەورەترین یەکە پیشەسازییەکانی باکووری ڕۆژئاوای وڵات ناسراوە، بەڵکو ڕۆڵی سەرەکی لە گەشەپێدانی ئابووریی پارێزگای ئازەربایجانی ڕۆژئاوا و ناوچەی خۆی بینیوە. ئەم دامەزراوەیە هەر  لە سەرەتای دامەزراندنیەوە، بە ڕەخساندنی هەلی کارێکی ڕاستەوخۆ بۆ سەدان کرێکاری پسپۆڕ و دامەزراندنی ناڕاستەوخۆ بۆ سەدان کەس لە بوارەکانی گواستنەوە، دابینکردنی کەرەستەی خاو، خزمەتگوزاری تەکنیکی و بازرگانی، ڕۆڵێکی بێهاوتای لە گەشەپێدانی بەردەوامی هەرێمدا بینیوە .

بە پشتبەستن بە تەکنۆلۆژیای مۆدێرنی ئەوروپی و ئەزموونی دەیان ساڵەی پیشەسازی، کارگەکە توانیویەتی پێگەی خۆی وەک یەکێک لە جێی متمانەترین دابینکەرانی قوماشی کوالێتی بەرز لە بازاڕەکانی ناوخۆ و دەرەوەدا جێگیر بکات. هەناردەکردنی بەردەوامی بەرهەمەکان بۆ وڵاتانێک وەکوو تورکیا، ئەرمینیا، عێراق و ڕووسیا، توانای کێبڕکێی بەرزی ئەم دامەزراوەیە لە گۆڕەپانی نێودەوڵەتیدا نیشان دەدات. جگە لەوەش، کارگەی بەرهەمهێنانی قوماشی خۆی، بە هاوکاری زانکۆ و ناوەندە تەکنیکییەکانی ناوچەکە، وەک یەکەیەکی پیشەسازیی دایک، ڕۆڵێکی کاریگەر دەگێڕێت لە ڕاهێنانی هێزی مرۆییی لێهاتوو و بەرزکردنەوەی ئاستی زانیاری تەکنیکی پیشەسازی قوماشی وڵات.