كۆچاك فارما

کۆچاک فارما؛ پتر لە ٥٠ ساڵ کارکردن لە بواری دەرمانسازیدا

کۆچاک فارما لە ساڵی ١٩٧١ دامەزرا و ئەمڕۆ وەکوو یەکێک لە کۆمپانیا ناسراوەکانی پیشەسازیی دەرمانسازی تورکیا لە بواری بەرهەمهێنانی دەرمانە مرۆییەکان و مادە کاریگەرە دەرمانییەکان (API) هەژمار دەکرێت. ئەم کۆمپانیایە بە درێژایی پتر لە ٥٠ ساڵ کارکردن، لە بەرهەمهێنەرێکی ناوخۆییەوە بووە بە مەجمووعەیەک بە ئامادەبوونی بەرفراوان لە بازاڕە نێودەوڵەتییەکان و بەرهەمەکانی خۆی بۆ پتر لە ٤٠وڵاتی جیهان  هەناردە دەکات. 

ژێرخانی بەرهەمهێنان و توێژینەوە و پەرەپێدان

کۆمەڵگەی سەرەکی بەرهەمهێنانی کۆمپانیای کۆچاک فارما دەکەوێتە ناوچەی پیشەسازی ڕێکخراو لە چەرکێزکۆی. ئەم کۆمپلێکسە بە ڕووبەری نزیکەی ١٤٠ هەزار مەتری چوارگۆشە و زیاتر لە ١٠٠ هەزار مەتری چوارگۆشە  کەشی ناوەوە، یەکێکە لە گەورەترین ناوەندەکانی بەرهەمهێنانی دەرمان لە تورکیا. نزیکەی ٢٠٠٠ کەس لە بەشی بەرهەمهێنان، توێژینەوە و پەرەپێدان، فرۆشتن و بەڕێوەبردنی ئەم کۆمەڵەیەدا کاردەکەن.

ناوەندی توێژینەوە و پەرەپێدانی کۆمپانیاکە کە لەلایەن وەزارەتی زانست و پیشەسازی و بازرگانی تورکیاوە پەسەندکراوە، گرنگی بە پەرەپێدانی بەرهەمی نوێ و باشترکردنی فۆرمولاسیۆن و تەکنەلۆژیای بەرهەمهێنانی دەرمان دەدات. چالاکییەکانی سەنتەرەکە بوارە چارەسەرییە جیاوازەکان دەگرێتەوە کە گرنگترینیان بریتین لە:

• نەخۆشییەکانی ئافرەتان
• ئۆرۆلۆژی
• نەخۆشییەکانی سییەکان
• نەخۆشییەکانی دڵ و دەمارەکان
• ئۆنکۆلۆژی (شێرپەنجە)
• تەندروستیی گەشتی

پێگەی پسپۆڕانە لە بواری ئۆنکۆلۆژیدا

کۆمپانیای کۆچاک فارما یەکێکە لە چالاکانی سەرەکیی بواری دەرمانی دژە شێرپەنجە لە تورکیادا. ئەم کۆمپانیایە بە زیاتر لە 90 مۆڵەتی بەرهەمی ئۆنکۆلۆژی و بەرهەمهێنانی بەشێک لە کەرەستەی خاو بۆ دەرمانی دژە شێرپەنجە لە تورکیا، ڕۆڵێکی بەرچاو دەگێڕێت لە زنجیرەی دابینکردنی ئەم بوارە تایبەتمەندەدا.

هەروەها کۆمپانیاکە لە پەرەپێدان و بەرهەمهێنانی بەرهەمە پێشکەوتووەکانی دەرمانسازیدا چالاکە، لەوانە دەرمانی بایۆسیمیلەر، بەرهەمەکانی ئۆنکۆلۆژی، کەپسولی سۆفتجێڵ، بەرهەمی تەعقیمکراو، کوپ، ئەمپۆلی لایۆفیلیزەکراو، و سرنجی ئامادە بۆ دەرزیکردن، هەروەها لە یەکەم کۆمپانیاکانی دەرمانسازی بوو لە تورکیا کە بەشێک لەو بەرهەمانەی بەرهەم هێنا.

ستانداردەکانی بەرهەمهێنان و بەشداریکردنی جیهانی

دامەزراوەکانی بەرهەمهێنانی کۆمپانیای کۆچاک فارما بەپێی ستانداردەکانی GMPی یەکێتی ئەوروپا دیزاین کراون و بڕوانامەیان پێدراوە، ئەمەش ڕێگە بە بەرهەمهێنانی جۆرەها فۆڕمی دەرمان دەدات. جگە لە بازاڕی تورکیا، بەرهەمەکانی کۆمپانیاکە هەناردە دەکرێت بۆ وڵاتانی جۆراوجۆر لەوانە ئەڵمانیا، فەرەنسا، ئیتاڵیا، ئیسپانیا، کۆریای باشوور و ئوسترالیا.

کۆچاک فارما جگە لە بەرهەمهێنانی دەرمان، لە بواری توێژینەوە و پەرەپێدان و ئامادەکردنی دۆسیەی تۆمارکردنی دەرمان (Dossier) و بەرهەمهێنانی گرێبەست بۆ کۆمپانیا نێودەوڵەتییەکانی دەرمان چالاکە. هەروەها ئەم کۆمپانیایە خاوەنی بڕوانامەی ISO 9001، ISO 14001 و OHSAS 18001ە، کە ئاماژەن بۆ پابەندبوون بە ستانداردەکانی بەڕێوەبردنی کوالیتی و ژینگەیی و سەلامەتی پیشەیی لە هەموو پرۆسەکانیدا.