نەقش تەندیس ئاریا

کۆمپانیای نەقش تەندیس ئاریا (پشکی تایبەت) ناودار و پێشەنگە لە پیشەسازیی پەڕاوگە(کەلوپەلی نووسین) و بەرهەمەکانی فێرکاری و هونەری. ئێستا بەرهەمهێنانی ئەم کۆمپانیایە بریتییە لە زیاتر لە ١٣٠ بەرهەمی جۆراجۆر لە بەشەکانی: هەویری یاریکردن، ئاوڕەنگ(ماکی نیگارکێشی)، ڕەنگی پەنجەیی، گواش، پاستێل، پێنووسی مۆمی، کەلوپەلی نانخواردنی منداڵان، چەسپی ماتیکی، هەویری خۆڵین، پێنووسی نووسین و ڕەنگاوڕەنگ، خەتکێشی جات(ھێڵینگ) و بەرھەمە جۆرەکانی پەیوەندیداری تر.

ئەم کۆمپانیایە خاوەنی ISO 10002:2014 ستانداردی سیستەمی بەڕێوەبردنی ڕەزامەندیی کڕیارە و هەروەها ئەندامی کۆمپانیا داهێنەرەکانی "بەرنامەی پەرەپێدانی ئیکۆسیستەم"ی جێگری زانستی و تەکنەلۆجیی سەرۆک کۆمارە. بەرهەمەکانی کۆمپانیای ئاریا ستانداردی نیشتمانیی ئێران و ستانداردی CE ئەوروپییان هەیە.

لە ئێستادا بەرهەمەکانی ئەم کۆمپانیایە، جگە لە دابینکردنی پێداویستییەکانی وڵات، لە ڕووی هەناردەکردنەوە، نەک تەنیا لە ڕۆژهەڵاتی ناوەڕاستدا بەربڵاوییەکی بەرچاویان هەبووە، بەڵکوو بەرهەمەکانیان هەناردە کردووە بۆ بەشێک لە بازاڕی ئەورووپا.

لە ئێستادا گرووپی پیشەسازیی "نەقش تەندیس ئاریا" خاوەنی سێ کارگەی سەربەخۆیە لە شاری ڕوبات کەریم و شارۆچکەی پیشەسازیی نەسیرئاباد. نووسینگەی ناوەندی و نووسینگەی دیزاین و ڕێکلام لە تارانە و نووسینگەی فرۆشتن لە بازاڕی «بین الحرمین»ە و زیاتر لە ٥٠٠ کەس لە ئاستە جیاوازەکانی ئەم گرووپەدا کار دەکەن. یەکەی بەرهەمهێنانی نوێی(قۆناغی چوارەم) کۆمپانیای ئاریا کە دەکەوێتە شارۆچکەی پیشەسازیی ناسیرئاباد، خەریکە دادەمەزرێت و بەڵێنی بەرهەمی نوێ دەدات.

ئامانج و داھاتوو(ئاوتلۆک):

ئێمە دەمانەوێت ببینە خۆشناوترین و متمانەپێکراوترین کۆمپانیا لە پیشەسازیی پەڕاوگە(کەلوپەلی نووسین) و بەرهەمەکانی فێرکاری، هونەری و ڕابواردن بۆ منداڵان و مێرمنداڵان لە ئاسیا.

ئەرکی سەرەکیمان:

بریتییە لە: بەرهەمهێنان، بانگەشەکردن و دابەشکردنی بەرهەمەکانی پەڕاوگە، فێرکاری، هونەری و ڕابواردنی گونجاو بۆ هەموو تەمەنێک بەپێی تەندروستی و گەشەکردنی دەروونیی منداڵان و مێرمنداڵان بە پابەندبوون بە ستانداردە نێودەوڵەتییەکانی تەندروستی و کوالێتی.

بەهاکان:

پابەندبوون بە ستانداردە ناوخۆیی و نێودەوڵەتییەکانی بەرهەمەکە، گونجاو لەگەڵ ژینگە، حەز و ھەستی بەرھەم ھاوردنی ئیش و کار، ڕاستگۆیی و پابەندبوون، قەدەغەکردنی هەڵاواردن و کاری منداڵان لە بەها بنەڕەتییەکانی کۆمپانیاکەن و هەمیشە لە پێشەنگی کارەکانی کۆمپانیاکەدان.

ئامانجی سەرەکیمان بریتییە لە گۆڕینی یاری و کڕابورادنی بەسوود و فێرکارییە بەجێگەی یاری و ڕابواردنی خراو و توندوتیژانە.

ئێمە پێمان وایە چۆنیەتیی ژیان و سەرکەوتن و تەندروستیی جەستەیی و دەروونیی مرۆڤەکان کاریگەریی فێرکاری و پەروەردەی منداڵییان لەسەرە.

ئێمە دەمانەوێت سەکۆ و ئامرازی گونجاو و بەسوود درووست بکەین بۆ باشترکردنی چۆنیەتیی ژیانی منداڵان لە ئێستادا و گەورەکان لە داهاتوودا.